Lah tarusek takadia tuhan.
Batanyo pasia kaburuang lauik
Angan dek ombak manyapaikan
Sakik bana parasaian hiduik.
Nan sumbayang jan di lupokan.
Subuah hilang matohari lah tinggi
Caliak lah bulan kasiangan.
Lai bana hiduik barasaki.
Sadakah jo zakaik kapaga badan.
Langik tabantang bahampakan.
Gunuang tapacak kapaga bumi
Pintak buliah,kandak balakuan
Pai ka makah naik haji
Mandeh kanduang.
Dangalah saluang rang mudiak arau
Salauang babunyi bahati ibo
Larek bana iduik di rantau.
Mandeh kanduang di jalang juo.
Ulah dek batuang manjadi suluh.
Sabuik baputa mangana diri
Janjang patah,pintulah rubuah.
Mandeh kanduang dimanyo kini
Hujan rinai pambasuah muko
Muko ba basuah bakutiko
Kok talambek anak tibo.
Usah ratoki tanah pusaro
Antahko biduak nan tasangkuik.
Jalo ditangan nanlah lapeh.
Kok aia mato manjadi lauik.
Alun tabaleh jaso mandeh.
Tidak ada komentar:
Posting Komentar